Çovdar çörəyi yüksək lif tərkibinə görə ən faydalı çörək hesab olunur. Bu məhsul orqanizmin fəaliyyətində mühüm rol oynayan müxtəlif vitamin və minerallarla da zəngindir.
Gündə 60 qr çovdar çörəyindən istifadə etməklə 30%-ə qədər lif əldə etmək olar. Üstəlik, belə çörək B qrupunun vitaminləri, tiamin və fol turşusu, dəmir, sink, maqnezium, mis və yod mənbəyidir, Helsingin Sanomat yazır.
Şərqi Finlandiya Universitetinin qida tədqiqatı professoru Marjukka Kolehmainen də çovdar çörəyinin sağlamlıq üçün əsas faydalarının liflə əlaqəli olduğunu qeyd etdi. Bundan əlavə, məhsulun bağırsaqlarda serotonin istehsalını azaltdığı aşkar edilmişdir.
“Bu maraqlı bir tapıntıdır, çünki bağırsaqda artan serotonin istehsalının xroniki xəstəlik riski ilə əlaqəli olduğu görünür” dedi Kolehmainen.
Gündəlik qida rasionuna çovdar çörəyinin daxil edilməsi orqanizmi digər faydalarla da təmin edir. Məsələn, məhsulun istifadəsi lipid və şəkər mübadiləsinə müsbət təsir göstərir. Mütəxəssislərin fikrincə, çovdar yedikdən sonra qlükoza mübadiləsinə, qanda şəkər və insulin səviyyəsinə müsbət təsir göstərir. Bundan əlavə, çovdar çörəyi 2-ci tip diabet və ürək-damar xəstəlikləri kimi bir çox xroniki uzunmüddətli xəstəliklərlə əlaqəli olan iltihabın inkişaf riskini azalda bilər.
