Category: Qarnir və Souslar, Sizdən Gələnlər
Yields:
1 Serving
Çox dadlı, yüngül və ən əsası da faydalı kəsmikli krem. Bu dadlı krem tortların üzərini örtmək üçün və ya şirniyyatlarınızı bəzəmək üçün istifadə edilə bilər. Həm də rəqəm formalı ballı tortlar üçün də əladır.
Tərkibi:
- 250 qr 9%-lik kəsmik
- 180 qr kərə yağı
- 50-70 qr qatılaşdırılmış süd
- 50 qr şəkər kirşanı
Hazırlanma qaydası:
Bir qabda otaq temperaturunda yumşaldılmış kərə yağını mikserlə çırpın. Üzərinə çəkər kirşanı əlavə edib yağa ağarana qədər çırpmağa davam edin. Başqa bir qabda kəsmiklə qatılaşdırılmış südü blenderlə yaxşı qarışdırın. Daha sonra kəsmikli kütləni çırpılmış yağ qarışığına əlavə edib bir neçə dəqiqə mikserlə çırpın. Krem hazırdır. İstifadədən öncə kremi 1 saat soyuducuda saxlayın.
Müəllif: Lilparscake
Nuş Olsun!