Ev Şəraitində Ağızda Əriyən Bişmiş Südlü Qənd
Çay süfrələrinin əvəzolunmazı olan qəndi özünüz ev şəraitində bişirin. Evdar.az ağızda əriyən bişmiş südlü qəndin reseptini təqdim edir.
Ev Şəraitində Ağızda Əriyən Bişmiş Südlü Qəndin tərkibi:
- 5 stəkan (xrustal) şəkər tozu
- 1,5 stəkan süd
- qoz ləpəsi
- zövqə görə keşniş toxumu, hil, darçın, mixək tozu
Ev Şəraitində Ağızda Əriyən Bişmiş Südlü Qəndin hazırlanma qaydası:
Bir qazana şəkər tozu tökün. Üzərinə südü orta ocaqda dayanmadan qarışdıraraq qaynadın. Qaynamağa başladıqdan 2-3 dəqiqə sonra ədviyyatları və xırda doğranmış qoz ləpəsini əlavə edib qarışdırın. Qazanın divarları xarlayan kimi olacaq, köpüklər çoxalacaq, nisbətən ağarıb qatılaşacaq. Artıq bişən qəndi ocaqdan götürüb yağlanmış siniyə töküb yayın. 2-3 dəqiqədən sonra stəkanın alt hissəsiylə bişirdiyiniz qəndin üstündən basın ki, kütlə sıxılsın. Bərkiməsi üçün qəndi kənara qoyun. Bərkiyən qəndi qənd doğrayanla doğrayıb çayla nuş edə bilərsiniz.
Nuş Olsun!