Tox İnsanı Acdıran Ləzzət – Portağal Suyunda Balıq Steyk
Azərbaycan mətbəxində də önəmli yer tutan balıqdan ceşidli yeməklər hazırlanır. Evdar.az portağal və limon şirəsində bişən balıq steykinin reseptini təqdim edir.
Tərkibi:
- 1 böyük dilim qılınc balığı ( və ya sümüyü az istənilən balıq növü)
- 1 ədəd portağal
- 1 ədəd limon
- 1 diş sarımsaq
- duz, istiot
- qızartmaq üçün kərə yağı
Hazırlanma qaydası:
İlk öncə balığa duz və istiot səpib hərtərəfli yayın. Portağal və limonu yaxşıca yuyub qabığını rəndədən keçirin. Daha sonra portağalın suyunu bir stəkana sıxın, limonun suyunu da başqa bir stəkana sıxıb kənara qoyun. Tavada kərə yağını əridin. Balığı tavaya qoyub qızardın. Tavada olan balıq filesinin üzərindən bıçaqla kəsiklər atın. Sarımsağı da xırda doğrayın. Rəndələnmiş limon, portağal qabığı və sarımsağı tavadaki yağa əlavə edin. Balığın bir tərəfi qızardıqda digər tərəfinin qızarması üçün çevirin. Sıxdığınız limon və portağal suyunu da tavaya əlavə edib balığı bişirin. Arabir qaşıqla tavadaki sousdan götürüb balığın üzərinə gəzdirin. Balıq bişib suyu azaldıqda boşqaba qoyub, şirəli sousunu da üzərinə gəzdirin və isti halda süfrəyə verin.
Nuş Olsun!