Lavaş Arası Balıq Dürüm-Balık Ekmek
“Balıq ekmek” Türk mətbəxinin ləziz yeməyidir. Bu yeməyin adı "çörəkli balıq" kimi tərcümə olunur. Balıq ekmek bişirilməsi asan, lakin çox dadlı və doyurucu yeməkdir. O, bişmiş balıq və tərəvəz ilə sendviçdir. Ənənəvi olaraq, bu qəlyanaltı üçün balıq müxtəlif ədviyyatlarla kömür üzərində bişirilir. Yaxşı havalarda skumbriya qrildə bişirilə bilər, evdə isə elektrik qrilində bişirmək olar. Əgər belə bir mətbəx köməkçiniz yoxdursa, qril qabı və ya sobadan istifadə edin. Evdar.az lavaş arası balıq dürümün reseptini təqdim edir.
Lavaş Arası Balıq Dürümün tərkibi:
- 1 ədəd lavaş
- 1 ədəd təzə dondurulmuş skumbriya
- 1 ədəd təzə pomidor
- 1 ədəd soğan
- yarım limon suyu
- 20 ml zeytun yağı
- 1 çay qaşığı duz
- yarım çay qaşığı istiot
- yarım çay qaşığı balıq balıq üçün ədviyyat
- təzə cəfəri
Lavaş Arası Balıq Dürümün hazırlanma qaydası:
Təzə dondurulmuş skumbriyanı otaq temperaturunda əridin. Balığı yuyun, başını, quyruğunu və üzgəclərini kəsib iç hissəsini çıxarın. Skumbriyanı 2 yerə bölüb böyük sümüklərini çıxarın. Balığın hər tərəfini duzlayıb, istiot və balıq üçün ədviyyat səpin. Balığı istiyədavamlı şüşə qaba yerləşdirin. Əvvəlcədən 180 dərəcə qızdırılmış sobada 15-20 dəqiqə bişirin. Skumbriya filesi qızardıqda, onu sobadan çıxarıb otaq temperaturuna qədər soyudun. Soğanı nazik halqalar formasında doğrayın. Təzə pomidorları yuyub 5 mm qalınlığında halqalar doğrayın. Lavaşı yarıya bölün. Bir qabda limon suyu və zeytun yağını qarışdırın. Lavaşın hər tərəfini bu qarışıqla yağlayın. Lavaşın üzərinə təzə pomidor dilimləri qoyun. Pomidorun üstünə soğan halqalarını yayın. Tərəvəzlərin üzərinə bişmiş skumbriya filesi qoyun. Lavaşı sıx bir rulet formasında bükün. Bu qaydayla 2 ədəd dürüm hazırlayın. Elektrikli qrili 180 dərəcəyə qədər qızdırın. Qril plitələrinə balıq dürümü düzün. Qrili bağlayın. Dürümləri 1-2 dəqiqə qızılı rəng alana qədər bişirin. Hazır balıq dürümü bişdikdən dərhal sonra isti halda süfrəyə verin.
Nuş Olsun!