Nahara Xamalı Sousda Toyuq Qara Ciyəri

Nahara toyuq qaraciyərindən dadlı yemək hazırlaya bilərsiniz. Xamada bişən qara ciyər sözün əsl mənasında ağızda əriyir. Evdar.az dadlı xamalı sousda qara ciyər yeməyinin reseptini təqdim edir. Tərkibi:
  • 500 qr toyuq qara ciyəri
  • 200 qr xama
  • 2 ədəd soğan
  • 3 xörək qaşığı bitki yağı
  • 1 budaq cəfəri
  • duz, istiot zövqə görə
Hazırlanma qaydası: Toyuq qara ciyərini yuyub,suyunu süzün və doğrayın. Tavada 3 xörək qaşığı bitki yağını qızdırın. Soğanı nazik yarım halqa doğrayıb yağda 2-3 dəqiqə qovurun. Doğranmış ciyəri də əlavə edib 5-6 dəqiqə qarışdıraraq bişirin. Üzərinə 200 qr xamanı da əlavə edib zəif ocaqda 7-10 dəqiqə bişirin. Duz, istiot töküb qarışdırın və ocaqdan götürün. Xamalı qara ciyər yeməyi hazırdır. Yeməyi boşqaba töküb üzərinə doğranmış cəfəri səpib istədiyiniz qarnirlə süfrəyə verə bilərsiniz.
Nuş Olsun!
Servings: 1 yield(s)