Yaz-Yay Aylarının Trend Deserti: Merenga Ruleti
Merenga ruleti daha zərif və eleqant bir desertdir. Sözün əsl mənasında, insanın ağzında əriyən, həm də xırtıldayan şirniyyat növüdür. Evdar.az yaz-yay ayları üçün ideal desertin reseptini təqdim edir.

Tərkibi:

Merenga üçün:

  • 6 ədəd yumurta ağı
  • 300 qr şəkər kirşanı
  • 2 xörək qaşığı qarğıdalı nişastası
  • 1 çay qaşığı limon suyu

Kremi üçün:

  • 500 ml 33%-lik qaymaq

Üzəri üçün:

  • badam ləpəsi
  • çiyələk

Hazırlanma qaydası:

Merenganı hazırlamaq üçün ilk öncə yumurtanın ağını mikserin ən zəif gücündə, daha sonra yavaş-yavaş artırıb bərkiyənə qədər yaxşıca çırpın. Üzərinə şəkər kirşanını az-az əlavə edib ehtiyyatla qarışdırın. Daha sonra nişasta və limon suyunu da əlavə edin. Hazırladığınız kütləni yağlı kağız sərilmiş soba sinisinə yayın. Əvvəlcədən 160 dərəcədə qızdırılmış sobada 30-35 dəqiqə bişirin. Bişən ruleti sobadan çıxarıb soyudun. Kremi hazırlamaq üçün bir qabda soyuq qaymağı 7-10 dəqiqə mikserlə çırpın. Soyuyan korjun üzərinə kremi yayıb,doğranmış çiyələk düzüb rulet kimi bükün. Rulet büküldükdə çatlayacaq, narahat olmayın! Qalan qaymaqla ruletin üzərini bəzəyə bilərsiniz. Zövqə görə üzərinə giləmeyvə və badam ləpəsi düzün. Hazırladığınız ruleti 1-2 saatlıq soyuducuya yerləşdirin.
Nuş Olsun!
Servings: 1 yield(s)