İlk öncə qara ciyərin üzərindəki pərdəni təmizləyib doğrayın. Yuyub suyunu süzün. Bir qaba süd töküb üzərinə doğranmış ciyər tikələrini əlavə edib. 30 dəqiqəlik kənarda saxlayın. Süddə saxlamaq həm qoxusunun qarşısını alacaq, həm də daha yumşaq və ləzzətli edəcək. Yarım saat sonra südü süzüb ciyərləri çöp şişlərə keçirin.Üzərinə duz, istiot səpib soba sinisinə yerləşdirin. Əvvəlcədən 180 dərəcə qızdırılmış sobada 25-30 dəqiqə bişirin.
Üzəri üçün soğanı yarım halqa doğrayın. Keşniş və şüyüdü də xırda doğrayıb soğanın üzərinə əlavə edin. Soğanla göyərtini əlinizlə yüngül əzərək ovuşdurun. Üzərinə sirkəni də əlavə edib kənarda saxlayın. Bişən ciyər kababının üzərinə sirkəli soğanı səpib süfrəyə verə bilərsiniz.
Süfrələrin bəzəyi olan yarpaq dolmasını ət olmadan da təzə göyərtilərin, təzə yarpaqların bol olduğu yaz aylarında hazırlaya bilərsiniz.
Evdar.az bol göyərtili yarpaq dolmasınn reseptini təqdim edir.
- 1 dəstə nanə
- 1 dəstə kəvər
- 1 dəstə şüyüd
- 1 dəstə göy soğan
- 1 dəstə keşniş
- 1 stəkan düyü
- 3 ədəd soğan
- 200 qram əridilmiş kərə yağı
- 150 ml su
- istiot, sarıkök, duz
- üzüm yarpağı (tənək)
İlk öncə göyərtiləri yaxşıca yuyub süzün.
Göyərtini düzgün yumağın qaydasını bu məqaləmizdən oxuya bilərsiniz..Daha sonra göyərtiləri xırda doğrayıb dərin bir qaba tökün. Yuyulmuş düyünü də göyərtilərə əlavə edib. Soğanı xırda doğrayıb üzərinə duz töküb qarışdırın. Suyu çıxan soğanları sıxıb göyərtilərin üzərinə əlavə edin. Duz, istiot, sarıkök və əridilmiş kərə yağı töküb qarışdırın. Yarpaqları açıb içlikdən 1 dolu qaşıq qoyub bükün. Bu qaydayla iri halda bükülən dolmaları qazana düzün. Üzərinə 150 ml su töküb vam odda bişirin. Bişən dolmaları süfrəyə sarımsaqlı qatıqla birlikdə verə bilərsiniz.