Cupcake Bəzəyi Üçün İdeal Krem

Tortların, kapkeyklərin bəzədilməsi üçün çox asan hazırlanan və dadlı krem resepti.. Evdar.az formasını saxlayan və ləzzətli kremin reseptini təqdim edir.

Tərkibi:

• 200 qr 82,5% kərə yağı
• 300 qr qatlaşdırılmış süd
• vanil ekstraktı və ya istədiyiniz aromatizator

Hazırlanma qaydası:

Bir qabda yumşaldılmış kərə yağını mikserlə yaxşıca çırpın. Otaq temperaturunda olan qatılaşdırılmış südü də çırpılmış yağa az-az əlavə edib mikserin ən yüksək sürətiylə 5-10 dəqiqə çırpın. Krem yüngül və formasını saxlayan hala gəldikdə istifadə etmək olar. Hazır kremlə kapkeykləri bəzəyə bilərsiniz.

VACİB QEYD:

• Kərə yağı seçərkən keyfiyyətli yağ olmalıdır. 82,5 % yağ məsləhətlidir.
• Əgər yağa qatılaşdırılmış süd əlavə etdikdən sonra krem köpmürsə 5-7 dəqiqəlik qabı soyuducuya yerləşdirin. Daha sonra çıxarıb yenidən mikserlə çırpın, istədiyiniz konsistensiyaya gələcək.
• Kremi soyuducunun dondurucu rəfində saxlaya bilərsiniz. Dondurucuda kremin saxlama müddəti istifadə etdiyiniz məhsulların yararlılıq müddətindən asılıdır.
• Əgər soyuducudan götürdüyünüz krem maye buraxarsa sadəcə 1 dəqiqə mikserlə çırpın, yenidən əvvəlki konsistensiyaya qayıdacaq.
• Kremi yağlı boyalarla da rəngləyə bilərsiniz.