Tənbəl Üsulu Varenik

Yemək bişirməyə vaxtı az olanlar üçün mükəmməl bir resept. Evdar.az tənbəl üsulu kəsmikli vareniklərin  reseptini təqdim edir.

Tərkibi:

• 250 qr kəsmik
• 1 ədəd yumurta
• 5 xörək qaşığı un
• bir çimdik duz
• 1 xörək qaşığı şəkər tozu

Üzəri üçün:

• xama
• mürəbbə və ya cem

Hazırlanma qaydası:

Bir qabda kəsmiyin üzərinə yumurta, duz və şəkər tozu əlavə edib blenderlə qarışdırın. Üzərinə un əlavə edib qaşıqla qarışdırın. Dəzgahın üzərinə un səpib xəmiri uzun kolbasa forması verin. Xəmiri 1 sm qalınlığında hissələrə bölün. Hər hissəni una bulayın. Qazanda duzlu su qaynadın, varenikləri 4-5 dəqiqəlik qaynayan suya salıb sudan çıxarın. Bişən varenikləri boşqaba qoyub üzərinə xama və cem əlavə edin.

Nuş Olsun!