Kaktus meyvəsi, İbn Sinanın illər əvvəl digər meyvələrdən daha şəfalı olduğunu dediyi əncir növüdür. O, həmçinin Tikanlı Armud, Hind Ənciri, Frenk Yemişi, Opunsiya və Mal Dili Meyvəsi kimi tanınır. Yüksək antioksidant tərkibi ilə kaktus meyvəsinin faydaları saysız-hesabsızdır. Evdar.az təbiətin gizli vitamini, tikanlı və şəfalı kaktus meyvəsinin faydalarını təqdim edir.
Təbiətin Gizli Vitamini
Kaktus meyvəsi nədir?
Kaktus meyvəsi isti iqlimlərdə böyüyən bitkidir və adətən mal dili meyvəsi ya tikanlı armud kimi tanınır. Kaktus meyvəsi kaktus bitkisinin tikanlı səthini qoruyan xarici qabıqla əhatə olunmuşdur. Meyvənin daxili hissəsi adətən parlaq rəngə və şirin, bir qədər aromatik dada malikdir. Ümumiyyətlə dadı əncir, qovun və qarpızın birləşməsinə bənzəyir. Dadı meyvənin rəngindən və yetişməsindən asılı olaraq dəyişə bilər. Qırmızı, yaşıl, sarı və ya narıncı olan kaktus meyvəsi həm dadı, həm də qida dəyəri ilə diqqət çəkir.
Kaktus meyvəsinin qida dəyəri nədir?
Kaktus meyvəsinin kalorisi azdır, lakin qida dəyəri yüksəkdir. 100 qram kaktus meyvəsi təxminən 41 kalori ehtiva edir və bu, çəkisinə nəzarət edən insanlar üçün əla alternativdir.
100 qram kaktus meyvəsinin tərkibində
- 10 qr karbohidrat,
- 0,5 qr yağ,
- 0,7 qr protein,
- 3,6 qr qida lifi,
- 5 mq natrium,
- 220 mq kalium,
- 14 mq C vitamini var.
Kaktus meyvəsinin faydaları nələrdir?
- Liflə zəngin olan bu meyvə həzm sisteminin düzgün işləməsinə kömək edir və toxluq hissi yaradır.
- Tərkibindəki C vitamini immunitet sistemini gücləndirməyə kömək edir. Bu, insana qrip və soyuqdəymə kimi infeksiyalarla mübarizə aparmağa kömək edir.
- Kaktus meyvəsinin tərkibindəki kalsium və maqnezium kimi minerallar sümük sağlamlığı üçün vacibdir.
- Kaktus meyvəsi yüksək antioksidant tərkibinə malikdir. Antioksidantlar orqanizmdə hüceyrə zədələnməsinin qarşısını alaraq yaşlanma prosesini ləngidir.
- Qan dövranı sistemi üçün vacib olan kaliumla da zəngindir.
- Qəbizliyin qarşısını alır, həzm sistemini dəstəkləyir və bağırsaq hərəkətlərini tənzimləməyə kömək edir.
- Bədəni sərbəst radikalların zərərli təsirlərindən qoruyur, qan şəkərinin səviyyəsini tənzimləməyə kömək edir və dəri sağlamlığını dəstəkləyir.
- Kaktus meyvəsi insulin müqavimətini azaltma təsirinə görə şəkərli diabet xəstələri üçün uyğun bir qidadır. Bununla belə, onu ehtiyyalı şəkildə istehlak etmək vacibdir.
- Kaktus meyvəsinin istehlakı pis xolesterinin (LDL) səviyyəsini aşağı salmağa və yaxşı xolesterol (HDL) səviyyələrini artırmağa kömək edə bilər.
- Mütəxəssislər kaktus meyvəsinin dəriyə müsbət təsirinin aloe vera gelindən qat-qat güclü olduğunu bildirir. Kaktus meyvəsi həm dəri, həm də saç baxımı üçün təsirli qidadır. Saçları qidalandırır, onlara parlaq görünüş verir. Saç köklərini və tellərini gücləndirir.
- Kaktus meyvəsi cinsi istəyi artırıcı xüsusiyyətləri ilə təbii afrodizyakdır. Bir çox ölkələrdə cinsi gücləndirici kimi istifadə olunur.
Kaktus meyvəsinin əks təsirləri nələrdır?
- Kaktus meyvəsi bəzi insanlar üçün əks təsirlərə səbəb ola bilər. Tərkibində yüksək lif olduğu üçün həddindən artıq istehlak edilməməlidir. Liflə zəngin qidalar ümumiyyətlə həzm sistemi üçün faydalı olsa da, mədə narahatlığına da səbəb ola bilər.
- Kaktus meyvəsini həddindən artıq istehlak edən insanlarda müşahidə edilən ən çox görülən əks təsirlərdən biri qarın ağrısıdır. Həm də qəbizlik və ya əksinə ishal kimi həzm pozğunluqlarına səbəb ola bilər. Bu cür təsirlərin qarşısını almaq üçün kaktus meyvəsinin faydaları arasında qeyd olunan həzm dəstəyindən faydalanmaq üçün porsiyaları nəzarətli şəkildə istehlak etmək vacibdir.
- Digər potensial əks təsir ürəkbulanma və şişkinlikdir. Kaktus meyvəsi kimi yüksək lifli qidalar, xüsusən daha əvvəl az lifli pəhriz edən insanlar üçün ani dəyişikliyə səbəb ola bilər. Belə bir vəziyyətdə bağırsaq hərəkətləri daha sürətli olur və həzm sistemini gərginləşdirir. Lifin həzm prosesi zamanı yaranan köp, şişkinlik və narahatlığa səbəb ola bilər. Buna görə də, bu cür meyvələri istehlak etməzdən əvvəl balanslaşdırılmış liflə zəngin bir pəhriz qəbul etmək faydalıdır.
- Kaktus meyvəsinin digər nadir əks təsirlərinə başgicəllənmə, baş ağrısı və ürək sansması daxildir. Bu əks təsirlər adətən meyvənin həddindən artıq istehlakı və ya ona vərdiş edilməmiş miqdarda istehlak nəticəsində yaranır.
- Böyrək problemi olan şəxslərin kaktus meyvəsini istehlak etməzdən əvvəl həkimləri ilə məsləhətləşmələri tövsiyə olunur. Çünki meyvənin bəzi komponentləri böyrəklərin fəaliyyətinə mənfi təsir göstərə bilər.
- Nəticə olaraq, kaktus meyvəsi ümumiyyətlə təhlükəsiz qida hesab edilsə də, müəyyən sağlamlıq vəziyyəti və ya həssas həzm sistemi olanların diqqətli olması vacibdir. Hər kəsin fərqli bioloji quruluşa malik olduğunu xatırlamaq lazımdır və yeni qida qəbul edərkən bədənin reaksiyalarını diqqətlə izləmək vacibdir.
- Kaktus meyvəsi bəzi insanlarda allergik reaksiyalara səbəb ola bilər. Bu reaksiyalar dəri qaşınması, səpgi, qızartı və şişkinlik kimi aşkar simptomlara səbəb ola bilər. Daha ağır hallarda, tənəffüs çətinliyi və anafilaksiya (allergik şok) kimi təhlükəli şərtlər inkişaf edə bilər. Allergiyası olan şəxslər kaktus meyvəsini istehlak etməzdən əvvəl diqqətli olmalıdırlar, xüsusən də kaktus bitkilərinə və ya oxşar meyvələrə qarşı allergik reaksiyaları varsa.
Kaktus meyvəsini necə istehlak etmək olar?
Bənzərsiz dadı və sağlamlıq faydaları ilə kaktus meyvəsi bir çox fərqli şəkildə istehlak edilə bilər. Kaktus meyvəsi tikanlı xarici qabığı ehtiyyatla soyduqdan sonra birbaşa yeyilə bilər. Tikanları çıxarmaq üçün əlcək taxaraq meyvələri bir fırça ilə axan suyun altında yuya bilərsiniz. Tikanlar tamamilə çıxarıldıqdan sonra meyvələri asanlıqla soya bilərsiniz. Soyulmuş meyvəni dilimləyib salatlara, desertlərə və ya smuzilərə də əlavə edilə bilər.
Tikanlı meyvə olduğu üçün onu yığmaq bir qədər çətindir. Azərbaycan bazarlarında yerli məhsul kimi satışda olan kaktus meyvəsinin kiloqramı təxminən 10-20 azn aralığında satılır. Ekzotik meyvə olaraq isə sarı və narıncı rəngdə olan kaktus meyvəsi 50 azn dəyərində bazarlarda satışdadır. Kaktus meyvəsinin bir çox faydası olsa da, gün ərzində 2-3 ədəddən artıq istehlak edilməsi məsləhət görülmür. Uşaqlar da daxil olmaqla, hər yaşda təhlükəsiz şəkildə istehlak edilə bilər.
Meyvə və tərəvəzlərin faydalarını Ən Dadlı Kulinariya Saytından oxuyun!
