Mübarək Ramazan ayında uzun müddət yemək yeməmək, hərəkətsizlik, iftardan sonra taqətsilik səbəbindən maddələr mübadiləsi ləngiyir. Bundan əlavə, uzun müddət ac qaldıqdan sonra yeməklə yüklənmək qarın şişməsinə səbəb olur. Çoxlarının yaşadığı problemlərdən biri olan iftardan sonra şişkinlik üçün nə etmək lazımdır? Evdar.az iftardan sonra mədə şişkinliyini aradan qaldırmağın yollarını təqdim edir.
Ramazan ayında iftar və sahurdan sonra yaşanan köp, həzmsizlik, şişkinlik kimi problemlərə qarşı mədəni rahatlaşdıran içkilər içilməlidir. Dietoloqların fikrincə, müxtəlif yemək növlərini qarışdırmaq, lazım olandan çox yemək, tikələri tez və yaxşı çeynəmədən udmaq, yemək zamanı çox su içmək mədə ifrazının kifayət qədər ifraz olunmamasına və həzmsizliyə səbəb olur. Bunun qarşısını almaq üçün yeməkdən dərhal sonra divanda çökməmək üçün porsiyalar ölçülməlidir və mədəyə çox güc tətbiq edilməməlidir. Ramazan ayında mədəyi rahatlaşdırmaq və şişkinliyi azaltmaq üçün bəzi tövsiyələr:
- Həzm problemi yaşamamaq üçün yemək və içkilərin çox isti olmamasına diqqət yetirilməlidir. Şorbalar isti içilməlidir. Şorba içdikdən sonra 10-15 dəqiqə gözləmək və əsas yeməyə keçmək həzmsizlik və şişkinlik problemlərinin qarşısını alacaq.
- Yeməklər kiçik porsionlarda , yavaş-yavaş və yaxşı çeynənməlidir. Beləcə, toxluq hissi daha asan yaranacaq və qidalar daha asan həzm olunacaq.
- Düzgün bişirmə üsulunu tətbiq etmək çox vacibdir. Yeməklər hazırlanarkən qızartma və qovurma üsulları tətbiq edilməməlidir. Ən dəqiq bişirmə üsulları qril, soba, qaynatma və ya buxarda bişirmədir.
- Şorba və ya yeməklərə əlavə edilən zirə şişkinliyi azaltmaqda çox təsirlidir.
- İftardan 1-2 saat sonra içəcəyiniz 1 stəkan şüyüd çayı şişkinlik problemini yüngülləşdirəcək. Çobanyastığı çayı, nanə çayı və yaşıl çay şişkinliyə yaxşı gələn digər bitki çaylarıdır.
- Hil çayı içə və ya hilin özünü çeynəyə bilərsiniz. Hil- mədə spazmı, şişkinlik, ağız qoxusunun, diş və diş əti problemlərinin aradan qaldırılmasında çox faydalıdır.
- Sahurda bol su içmək, qəhvə və çay istehlakını məhdudlaşdırmaq lazımdır.
- Sahur üçün taxıl, kəpək və tam buğda çörəyi kimi liflə zəngin qidalar yeyin, çünki onlar sizi tox hiss edir, yavaş həzm edir və saatlarla enerji verir.
- Şirniyyatları bayrama saxlayın. Qazlı içkilər və smuzi əvəzinə təzə şirələr və meyvələrə üstünlük verin.
- Bol yağda qızardılmış qidalar ,həmçinin yağlı ətlərdən, kartof qızartmasından, qızardılmış tərəvəzlərdən, tam yağlı süddən, tam qaymaqlı pendirdən və digər işlənmiş qidalardan uzaq durun.
- Sobada bişən piroqlar, qaynadılmış küftələr, qril balıq və toyuq, az yağlı südlü desertlər, sobada bişən kotletlər və s. daha faydalı olan bu bişirmə üsulundan istifadə edə bilərsiniz.
