Dünyanı təsir altına alan koronovirusun yeni variantı olan EG.5 (Eris) üçün həyəcan təbili çalınıb. Covid-19-un yeni variantı olan EG.5 Eris virusu kimi tanınır və Avropada yayılmağa başlayıb. Hər 7 yoluxmadan biri Eris virusu adlanır.
Pandemiya bir çoxları üçün keçmişdə qalmış kimi görünsə də, koronavirus yayılmağa davam edir və virusun son mutasiyaya uğramış ştammları səbəbindən yeni yoluxmalar artmaqdadır.
Ümumdünya Səhiyyə Təşkilatı Covid-in yeni EG.5 (Eris) variantı haqqında yeni hesabat dərc edib. Müvafiq olaraq, əvvəllər “müşahidə altında olan variant” olan ştammın statusu “izlənmək üçün variant”a dəyişdirildi və “Eris”in yayılmasının bütün dünyada davamlı artması kimi qeyd edildi.
Qlobal miqyasda yoluxmaların artması ilə EG.5 bu ay Ümumdünya Səhiyyə Təşkilatı tərəfindən “izləniləcək variant” siyahısına daxil edilib.
EG.5 (Eris) variantı nədir?onun əlamətləri nələrdir? Evdar.az hər kəsi maraqlandıran sualların cavabını təqdim edir.
EG.5 (Eris Virusu) Nədir?
Elmi adı EG.5.1 adlanan eris virusu və ya eris variantı Covid-19-un mutasiyaya uğramış versiyasıdır, omicron variantından əldə edildiyi güman edilir və Ümumdünya Səhiyyə Təşkilatı tərəfindən “izləniləcək variant” kimi təsvir edilir. Omicron kimi simptomları göstərir və daha yoluxucudur. Omicron simptomları arasında olan baş ağrısı, boğaz ağrısı, öskürək və burun axıntısı kimi əlamətlər də da eris variantında görülür.
Eris Variantının (Eris Virusunun) Simptomları Nələrdir?
Eris variantının ən çox bilinən və müşahidə edilən ilkin simptomlarına boğaz ağrısı, baş ağrısı, axan və ya tıxanmış burun, öskürək, dad və qoxuda dəyişikliklər daxildir. Omicron variantından gələn bir variant olduğu üçün, simptomları oxşar olan eris variantının ümumi simptomları aşağıdakılardır:
- Boğaz ağrısı
- Bəlğəmli və bəlğəmsiz öskürək
- Burun tıxanıqlığı və ya axan burun
- Dəyişmiş qoxu hissi
- Baş ağrısı
- Asqırmaq
- Səs tutulması
- Yüksək hərarət (Qızdırma)
- Əzələ, oynaq və ya bədən ağrıları
- Yorğunluq, zəiflik
- İnfeksiyanın inkişafı səbəbindən nəfəs darlığı
- İshal
Müəyyən qruplar, o cümlədən 65 yaşdan yuxarı insanlar, immuniteti zəif olan şəxslər, ciddi xəstəliyi olanlarda ağırlaşmaların inkişaf riski daha yüksəkdir.
Eris Variantının Qarşısını Almaq Üçün Nə Edilməlidir?
Əvvəlki Covid-19 variantlarında olduğu kimi, şəxsi gigiyenaya diqqət yetirmək ilk qorunma yolu hesab olunur.
Ümumiyyətlə, eris variantından qorunmaq üçün tətbiq olunacaq üsullar aşağıdakılardır:
- Şəxsi gigiyenaya diqqət yetirmək
- Təmasda olan səthlərin müntəzəm və tez-tez dezinfeksiya edilməsi
- İmmuniteti güclü saxlamaq üçün sağlam qidalanmaq
- Xəstə olduğundan şübhələndiyiniz insanlara çox yaxınlaşmayın
- Xəstə olduğunuzu düşündüyünüz zaman mümkün olduqda evdə qalın
- Mümkünsə sıxlıq olan yerlərdə maska taxın
Azərbaycadan Eris Variantına Rast Gəlinibmi?
Rəsmi qurumlardan verilən açıqlamalara görə, dünyada yayılma sürətinin artdığı və yayılmağa başlayan Eris variantının hələlik ölkəmizdə rast gəlinmədiyi bildirilib.
