Sadə məhsullarla tez bir zamanda çox ətirli və dadlı naringili peçenyelər hazırlaya bilərsiniz. Bu dadlı peçenyeni çay, süd və ya meyvə suyunun yanında süfrəyə verə bilərsiniz. Evdar.az naringili peçenyenin reseptini təqdim edir.
Çayın Yanına Ətirli Naringili Peçenyenin tərkibi:
- 105 qr un
- 100 qr şəkər kirşanı
- 30 qr yumşaq kərə yağı
- 0,5 çay qaşığı qabartma tozu
- 0,5 çay qaşığı vanil
- 1 ədəd yumurta
- 2 çay qaşığı rəndələnmiş naringi qabığı
- 2 qr qida boyası
Çayın Yanına Ətirli Naringili Peçenyenin hazırlanma qaydası:
Bir qabda un, şəkər kirşanı, qabartma tozu, vanil, naringi qabığı rəndəsi və narıncı rəng qida boyası əlavə edib qarışdırın. Üzərinə doğranmış, otaq temperaturunda yumşaldılmış kərə yağını əlavə edib ovuntu halına gətirin. Bir ədəd yumurta əlavə edib qarışdırmağa davam edin. Yapışqan xəmir olacaq. Hazır xəmiri streç salafana büküb 1 saatlıq soyuducuya yerləşdirin. Xəmiri soyuducudan çıxarıb 15-20 qr-lıq top formasında kündələr hazırlayın. Hazır kündələri şəkər kirşanına bulayıb yağlı kağız sərilmiş soba sinisinə aralıqlarla düzün. Əvvəlcədən 180 dərəcə qızdırılmış sobada 10 dəqiqə bişirin.
Nuş Olsun!