İkisi Birində- Şokoladlı Keks-Çizkeyk

Yields: 1 Serving

Keks ya çizkeyk hazırlamaq istəyirsiniz, ancaq seçim edə bilmirsiniz? Zərif kəsmikli şokoladlı keks-çizkeyk bir fincan çay və ya qəhvəyə xoş bir əlavə olacaqdır. Evdar.az asan hazırlanan şokoladlı keks-çizkeykin reseptini təqdim edir.

Tərkibi:

Şokoladlı keks üçün:

  • 240 qr un
  • 120 qr xama
  • 3 ədəd yumurta
  • 90 qr tünd şokolad
  • 150 qr şəkər tozu
  • 90 qr kərə yağı
  • 45 qr kakao
  • 1, 5 çay qaşığı qabartma tozu

Kəsmikli hissə üçün:

  • 160-200 qr kəsmikli pendir
  • 1 ədəd yumurta
  • 30 qr un
  • 60 qr şəkər tozu

Qlazur üçün:

  • 30 qr tünd şokolad
  • 30 qr kərə yağı

Hazırlanma qaydası:

Şokoladlı xəmiri hazırlamaq üçün şokoladı kərə yağıyla əridin. Üzərin şəkər tozu əlavə edib qarışdırın. Alınan qarışığı mikserin qabına tökün. Xamanı və yumurtları bir-bir əlavə edib mikserlə yaxşıca çırpın. Başqa bir qabda un, kakao və qabartma tozunu qarışdırıb kütləyə hissə-hiss əlavə edib qarışdırın.

Kəsmikli hissəni hazırlamaq üçün kəsmikli pendiri şəkər tozuyla mikserlə qarışdırın. Üzərinə yumurta və unu əlavə edib qarışdırın. Diametri 20-22 sm mərkəzi boş olan qəlibə şokoladlı xəmirin yarısını töküb yayın. Üzərindən kəsmikli kütləni də yayın. Qalan şokoladlı xəmiri də üzərindən yayıb əvvəlcdən 180 dərəcə qızdırılmış sobada 35-40 dəqiqə bişirin. Hazır keks-çizkeyki qəlibdən çıxarıb soyudun.

Qlazuru hazırlamaq üçün bir qabda şokolad və kərə yağını su hamamında və ya mikrodalğalı sobada əridib qarışdırın. Soyuyan keksin üzərindən qlazuru tökün.

Nuş Olsun!

Bir cavab yazın

Sizin e-poçt ünvanınız dərc edilməyəcəkdir.