“Keto çörəyi” çörək əvəzedicisi olan bir məhsula aiddir. Bir çox insanın anlayışında bu, yalançı çörəkdən başqa bir şey deyil. Məhsulda karbohidratlar və taxıllar yoxdur, buna görə də çölyak xəstəliyindən əziyyət çəkən xəstələrə tövsiyə edilə bilər.
Əsl keto çörəyi (və ya çörək əvəzedicisi) yumurta, yağ, badam unu əvəzedicisi və ksantan saqqızından ibarətdir. Əgər tapmasanız əvəzinə jelatin və ya çia toxumlarından istifadə edə bilərsiniz. Evdar.az Keto çörəyin ev şəraitində asan hazırlanma qaydasını təqdim edir.
Çörək Əvəzləyici Keto Çörəyin tərkibi:
- 7 ədəd yumurta
- 100 qr kərə yağı
- 30 qr kokos yağı
- 1 çay qaşığı qabartma tozu
- 200 qr badam unu
- yarım çay qaşığı duz
- yarım çay qaşığı ksantan saqqızı
Çörək Əvəzləyici Keto Çörəyin hazırlanma qaydası:
İlk öncə yumurtaları mikserlə yaxşıca çırpın. Başqa bir qabda yumşaldılmış kərə yağı və kokos yağını əlavə edib qarışdırın. Daha sonra badam unu, duz, qabartma tozu və ksantan saqqızını əlavə edib yaxşıca qarışdırın. Çırpılmış yumurtanı da unlu-yağlı kütləyə əlavə edib tez qarışdırın. Keto çörəyin xəmiri tez qatılaşır, buna görə hər şeyi kifayət qədər tez etmək lazımdır. Xəmiri yağlı kağız sərilmiş soba qəlibinə töküb spatulayla hamarlayın. Və ya yağlı kağız sərilmiş soba sinisinə aralıqlarla qaşıqla qoyub üzərinə günəbaxan tumu səpin. Əvvəlcədən 180 dərəcə qızdırılmış sobada 45 dəqiqə bişirin.
Nuş Olsun!