Uşaqlar Üçün Bananlı Südlü Kokteyl

Uşaqlarınıza ləzzətli və faydalı bir südlü kokteyli hazırlayın. Bir stəkan kokteyl səhər yeməyini əvəz etməyə qadirdir. Evdar.az yalnız 3 məhsulla hazırlanan kokteylin reseptini təqdim edir.

Tərkibi:

• 3 ədəd banan
• 60 qr şirin peçenye (Yubileynoye və s.)
• 700 ml süd
• üzəri üçün qaymaq

Hazırlanma qaydası:

Bananın qabığını soyub dilimləyin. Blenderin qabına doğranmış banan dilimləri, peçenye və süd əlavə edib yaxşıca qarışdırın. Kokteyli badəyə töküb üzərini çırpılmış qaymaqla bəzəyin. Uşaqlar üçün kokteyl hazırdır.

Nuş Olsun!