Laminqton (ingiliscə lamington) – Avstraliya mətbəxinə aid desertdir. Şokoladlı sousa və kokosa batırılan biskvitlərdən ibarət olan bu desertin maraqlı hekayəsi var. Bir versiyaya görə, desert 1895-1901-ci illərdə Avstraliyanın Kvinslend əyalətinin qubernatoru Lord Liminqtonun şərəfinə adlandırılıb. Başqa bir versiyaya görə, desert Liminqton şəhərinin (Cənubi Lankaşir, Şotlandiya) şərəfinə adlandırılıb. Hətta ilk versiyaya meylli olanların da Liminqtonun harada, necə və nə vaxt ortaya çıxması ilə bağlı çoxlu mübahisələri, iddiaları və fərziyyələri var. Fərziyyələrdən biri belədir (Weekland qəzetinə görə): “Resept ev sahibinin qonaqlarını təcili yedizdirməyə ehtiyac duyan aşpazın ixtiraçılığı sayəsində ortaya çıxdı. Yeni tort bişirməyə vaxt olmadığı üçün aşpaz əlində olan hər şeydən istifadə edib”. Başqa bir fərziyyə də var: “Aşpaz təsadüfən biskviti şokoladın içinə atdı və zaman keçdikcə kokos qırıntıları ilə daha dadlı olacağına qərar verdi.” Ancaq Lamington həm böyüklərin, həm də uşaqların bəyəndiyi desertdir. Evdar.az asan hazırlanan dadlı desertin reseptini təqdim edir:
Avstraliya Mətbəxinin İnanılmaz Dadlı Deserti-Lamingtonun tərkibi:
Biskvit üçün:
- 150 q şəkər tozu
- 3 ədəd yumurta
- 10 qr vanil
- 200 qr un
- 1 çay qaşığı qabartma tozu
Şokoladlı sous üçün:
- 100 ml qaymaq
- 100 qr şokolad
- 50 qr kərə yağı
Üzəri üçün:
- 100 qr kokos qırıntıları
Avstraliya Mətbəxinin İnanılmaz Dadlı Deserti-Lamingtonun hazırlanma qaydası:
Biskviti hazırlamaq üçün bir qabda yumurta və şəkər tozunu mikserlə yaxşıca çırpın. Üzərinə vanil əlavə edib çırpmağa davam edin. Ələnmiş un və qabartma tozu da əlavə edib taxta qaşıqla və ya spatulayla qarışdırın. Xəmiri yağlı kağız sərilmiş düzbucaqlı soba sinisinə töküb yayın. Əvvəlcədən 180 dərəcə qızdırılmış sobada 35 dəqiqə bişirin. Bişən biskviti qəlibdən çıxarıb dəmir torun üzərində soyudun.
Sousu hazırlamaq üçün qaymağı mikrodalğalı sobada isidin. İsti qaymağın üzərinə şokolad və kərə yağı əlavə edib əriyib qarışana qədər yaxşıca qarışdırın.
Soyuyan biskviti kiçik kvadratlar formasında kəsin. Biskvit dilimlərini ilk öncə şokoladlı sousua batırıb hərtərəfli kokos qırıntısına bulayın. Bu qaydayla bütün biskvitləri sous və kokosa bulayın.
Nuş Olsun!