Dadlı, Rəngli Yerkökülü Plov

Yields: 1 Serving

Heç yerkökü və düyünü birlikdə sınamısınız? Toyuq yeməkləri ilə yanaşı süfrəyə doyurucu və dadlı yerkökü plovu da verə bilərsiniz. Evdar.az rəngli plovlardan biri yerkökülü plovun reseptini təqdim edir.

Tərkibi:

  • 2 stəkan baldo düyü
  • 3 stəkan qaynar su
  • 1 çay qaşığı duz
  • 1 çay qaşığı limon suyu
  • 3 xörək qaşığı zeytun yağı
  • 1 xörək qaşığı kərə yağı
  • 1 ədəd böyük ölçülü yerkökü
  • 1 çay qaşığı rəndələnmiş limon qabığı

Hazırlanma qaydası:

Bir qabda düyünü duz və bir neçə damcı limon suyu ilə isti suda soyuyana qədər isladın. Daha sonra bol su ilə yuyub suyunu süzün. Zeytun yağını tavada qızdırın. 1 ədəd sürtgəcdən keçirilmiş yerkökünü daim qarışdıraraq 5 dəqiqə qovurun. Yuyulmuş və süzülmüş düyünü də əlavə edib 5 dəqiqə daha qovurun. Qaynar suyu və duzu əlavə edin. Bir buğum qaynadıqdan sonra ocağı azaldın. Su buxarlanana qədər düyünü bişirin. Bişən düyünü ocaqdan götürüb, 1 çay qaşığı xırda doğranmış soyuq kərə yağı və yarım limonun rəndələnmiş qabığını əlavə edin. Qazanın qapağını bağlayıb 5 dəqiqə dəmə qoyun.

Nuş Olsun!

Bir cavab yazın

Sizin e-poçt ünvanınız dərc edilməyəcəkdir.