Name: Ferritin Səviyyəsini Artıran Çox Faydalı Salat
Yield: 1

Ferritin Seviyyesini Artıran Cox Faydalı Salat

Yields: 1 Serving

Ferritin, bədəndəki dəmiri saxlayan və onun sərbəst buraxılmasına nəzarət edən protein kompleksi növüdür. Qidalar vasitəsilə alınan dəmirin saxlanması və sərbəst buraxılması üçün cavabdeh olan Ferritin, bədənin dəmir deposu olaraq da bilinir. Bədəndəki dəmir miqdarı da ferritin ilə ölçülür.

Ferritinin aşağı olması bədəndə dəmir deposunun aşağı olduğunu göstərir. Optimal ferritin dəyəri yaş və cinsiyyət kimi amillərə görə dəyişsə də, qadınlar üçün 20-200 ml/ng, kişilər üçün 20-500 ml/ng olmalıdır. Bir çox fərqli səbəbdən yaranan Ferritin çatışmazlığı həkim tərəfindən tövsiyə olunan müalicə üsulları ilə asanlıqla aradan qaldırıla bilər. Bundan əlavə ev şəraitində hazırlayacağınız salatlarla da qaldıra bilərsiniz. Evdar.az ferritini qaldırmaq üçün ən faydalı salatın reseptini təqdim edir.

Ferritin Səviyyəsini Artıran Çox Faydalı Salatın tərkibi:

çuğundur
nar dənəsi
cəfəri
limon suyu
duz
qoz ləpəsi

Ferritin Səviyyəsini Artıran Çox Faydalı Salatın hazırlanma qaydası:

İlk öncə çuğunduru su dolu bir qazanda bişirin. Cəfərini axar suyun altında yaxşıca yuyub suyunu süzün. Narı dənələyin. Bişib soyuyan çuğunduru nazik zolaqlar şəklində doğrayın və ya sürtgəcdən keçirin. Üzərinə doğranmış cəfəri, doğranmış qoz ləpəsi, nar dənələri, limon suyu və zövqə görə duz əlavə edib qarışdırın. İstəyə görə müalicəvi yağlardan da əlavə edə bilərsiniz. Ferritini yüksəldən müalicəvi yağlardan ən başlıcası soyuq sıxılmış qara zirə yağı və çətənə yağıdır. Bu salatı hazırlayıb rasionunuza əlavə etdikdə faydasını görəcəksiniz.