Category: Bayram Reseptləri, Qəlyanaltılar
Yields:
1 Serving
Difficulty: Easy
Budur yenə bir çoxlarının sevimli bayramı yaxınlaşır. Qarşıda alış-veriş, hədiyyələr və əlbəttə Yeni il süfrəsi üçün dadlı yeməklər. Əslində Yeni il süfrəsi üçün hazırlanan yeməklər çox vaxt aparır. Bu resept mümkün qədər sadədir və vaxtınıza qənaət edəcək. Eyni zamanda da ləzzətlidir. Ən əsası həm uşaqlar, həm də böyüklər çox xoşlayacaq. Evdar.az Yeni il süfrəsini bəzəyəcək ləziz qəlyanaltı reseptini təqdim edir.
Tərkibi:
- 500 qr qat-qat xəmir
- 14-18 ədəd südlü sosiska
- 1 xörək qaşığı günəbaxan yağı
- 1 ədəd yumurta
Hazırlanma qaydası:
İlk öncə dəzgahın üzərində qat-qat xəmiri yayın. Xəmirdən 10-12 sm enində zolaqlar kəsin.
Hər kolbasanı 3 və ya 4 hissəyə kəsin. Kolbasanın bir hissəsini xəmirə sarın. Kəsdiyiniz bütün xəmirləri sosiskalara sarıyıb yağlanmış ulduz formalı qəlibə yerləşdirin.
Ulduz formalı qəlibiniz yoxdursa 6 ədəd romb şəkilli folqa kağızını qəlibə yerləşdirib ulduz forması edə bilərsiniz. 1 ədəd çırpılmış yumurtanı qəlibə düzülmüş sosiskalı xəmirlərin üzərinə yaxın. Əvvəlcədən 180 dərəcə qızdırılmış sobada 20 dəqiqə bişirin. Bişirdiyiniz “ulduz” formalı qəlyanaltını süfrəyə pomidor sousuyla verə bilərsiniz.
Nuş Olsun!
