Plov (aş) Azərbaycan mətbəxində müxtəlif üsullarla bişirilən və yeməkləri müşayiət edən qidadır. Hazırlanması çətin görünsə də, ən yaxşı aş qazanıyla dadlı plov hazırlamaq mümkündür. Bəs plov hansı qazanda bişirilməlidir? Hansı qazanda bişən plov daha dadlı və keyfiyyətlidir? Evdar.az ən yaxşı düyü bişirən aş qazanları haqqında araşdırmanı təqdim edir.
Aş Qazanı Necə Olmalıdır?
Mükəmməl plovun sirri istifadə olunan inqrediyentlərin keyfiyyətindən, eləcə də bişirmə prosesində istifadə edilən qazanın xüsusiyyətlərindən asılıdır. Bazarda fərqli xüsusiyyətlərə malik aş qazanları olsa da, ən yaxşı seçimi etmək bəzən çətindir. Bu məqaləmizdə seçilən və istifadəçilər tərəfindən çox tövsiyə edilən müxtəlif düyü qazanları haqqında bəhs edəcəyik.
Qranit Qazanlar
Ən yaxşı düyü qazanı dedikdə ağıla gələn şübhəsiz ki, qranit qablardır. Qranit qazanlar istifadə üçün son dərəcə rahatdır və adından da göründüyü kimi onlar qranit daşdan hazırlanır. Məhz bu daş qablara minerallarından asılı olaraq ağ, çəhrayı və ya boz rəng verir. Materialına görə son dərəcə təbii olan qranit qablar kifayət qədər davamlıdır. Bu, onların cızılmamasını və yemək hazırlayarkən istifadə olunan inqrediyentlərin qidaya qarışmamasını təmin edir. Beləliklə, qranit qablar sağlamlığa zərər vermir, yüksək temperaturda da istifadə edilə bilər və xərçəngə səbəb olan maddələr əmələ gətirmir.
Qranit qazanlarda yeməklər yapışmadığına görə, istilik hər tərəfə yayıldığı üçün yemək daha dadlı olur. Dadlı və sağlam plov bişirmək istəyənlər qranit qablardan rahatlıqla istifadə edə bilərlər.
Teflon Qablar
Ən yaxşı aş qazanları siyahısında ikinci sırada olan və odadavamlı yapışmayan qablar olaraq da bilinən teflon örtüklü qazanlardır. Ancaq bu qablardan istifadə edərkən diqqətli olun! Teflon qazanlar perfluorooktan turşusu (PFOA) və ya politetrafloroetilen (PTFE) kimi polimerlərlə örtülmüşdür. Aparılan təcrübələr əsasında, PFOA-nın qaraciyər, testis, döş, böyrək və mədəaltı vəzi xərçəngi riskini əhəmiyyətli dərəcədə artırdığı görülmüşdür. Ancaq bu, teflon qablardan istifadə edən hər kəsin xərçəng xəstəliyinə tutulacağı demək deyil!
Paslanmayan Polad Qazanlar
Paslanmayan polad qazanlar düyü bişirmək üçün çox yaxşı seçimdir. Paslanmaz polad tərkibində dəmir, xrom və nikel olan bir ərintidir. Bu qablar pas və korroziyaya davamlıdır. Bundan əlavə, qranit qablar kimi, paslanmayan polad qablar da istiliyi səthində bərabər paylayır və bəzi digər materiallardan, xüsusən də qranitdən daha ucuzdur. Yeməyinizi bişirərkən yemək spreyi kimi sürtkü yağından istifadə etsəniz və işiniz bitdikdən dərhal sonra qazanınızı islatsanız, təmizləməkdə çətinlik çəkməyəcəksiniz.
Aş qazanı aldıqda nələrə diqqət etməliyik?
İstilik paylanması: Yaxşı bir aş qazanı istiliyi bərabər paylamalıdır. Bunun üçün polad, çuğun və ya qranitdən hazırlanmış modelləri seçə bilərsiniz.
Ölçüsü: Düyü qabının ölçüsü ailədəki insanların sayına görə müəyyən edilə bilər. Kiçik ailələr üçün 20-22 santimetrlik qazanlar kifayət etdiyi halda, böyük ailələr üçün 24-30 santimetrlik qazanlara üstünlük verilə bilər.
Tutacaqlar: Aş qazanının tutacaqları möhkəm olmalıdır. Düyünü qarışdırmaq, qazanı daşımaq kimi proseslərdə istifadə edilən tutacaqlar qazanın ağırlığını daşıyacaq qədər davamlı olmalıdır.
Baza: Düyü qabının dibi düz olmalıdır. Əks halda düyü istədiyiniz kimi bişməyəcək və yanıqlar əmələ gələ bilər. Qazanın ağız hissəsi geniş olmalı və buxarın düzgün buraxılmasını təmin etməlidir.
Göründüyü kimi, qranit qazan təbiilik, sağlamlıq və keyfiyyət baxımından ən yaxşı aş qazanı kimi görünür. Qranit daşdan hazırlandıqları və son dərəcə təbii olduğu üçün digər qablardan daha bahalı olsalar da, davamlılığı və yeməyə verdiyi ləzzət baxımından hər evdə olması lazım olan qablardır.
